Yauwana Janam

சிலுவை என்பது கொலைக் கருவி;ஆனாலும்
மரணம் ஜனனமான வரலாற்று தொலைக் கருவி

கல்வாரி திருப்பீடம்
மரணம் எனும் முற்றுப்புள்ளி (.)
அரைப்புள்ளியாகி (,)
ஆச்சர்யக்குறியாக (!)
மாறிய அதிசயப்பீடம் என்பதையறிந்து
உணர்வடைவீர் மாந்தரே..!

மனிதன் தான் தொலைத்ததை தேடிக்கொண்டிருக்க‌
இறைவனும் தான் தொலைத்த‌தைத் தேடி இங்கு வந்தார்

இறைவன் மாந்தரானார்,மனிதனை தன்னிலை உயர்த்த
இறைவன் தேடியதை மனிதனில் கண்டார்
மனிதன் தேடியதை இறைவனில் கண்டானா..?

மனிதன் தேடிய அனைத்தும் இறைவனில் வசப்பட்டது
இறைவன் தேடிய அனைத்தும் மனிதனில் வசப்பட்டதா?

அவர் தியாகத்தை அவலம் என்று தூஷிக்கிறார் சிலர்
அமங்கலமாம் அவர்தம் திருச்சிலுவை..!
பெண்மை என்பது  அழகுதான்;அதன் உச்சம்
தாய்மை அல்லவா?

பெண்மையின் அழகு தாய்மையின் சோகத்தில்
தொலைந்தது போல் தோன்றும்.ஆயினும்
அது என்றும் நினைவில் நிற்கும்.

அதுபோலவே
வீரம் பேசும் தீரர்கள்
வந்துபோன இந்த பூமியில்
நின்று நிலைக்கும்
வீரமான சாந்தசொரூபியின்
அவலக் கோலம்
மனுக்குலத்தின் அவலம்
போக்கும் திருக்கோலம்.