Yauwana Janam

chillsam · Senior Member>>>ஒளி வீசுக..!

RE: மிஸ்ட் கால் (missed call) கொடுப்பவரா நீங்கள்..?

chillsam · Senior Member>>>ஒளி வீசுக..!

மிஸ்ட் கால் (missed call) கொடுப்பவரா நீங்கள்..?

ஒரு புத்தகத்தை விரும்பி வாங்குகிறோம்;அதைப் பெரும்பாலும் வாசிப்பதில்லை;வாசித்தாலும் அதைக் குறித்த அனுபவத்தை மற்றவ‌ருடன் பகிர்ந்துக் கொள்ளுவதுமில்லை;

ஒரு புத்தகத்தை வாங்கிய‌ நோக்கமே அதனை வாசித்து முடிப்பதாக இருக்குமானால் அதைக் குறித்து கலந்துரையாடுவது அதன் நன்மையை முழுவதும் அடைய உதவும்;

அதுபோலவே இரட்சிப்பு எனும் இலவசமான நுழைவுசீட்டைப் பெற்றுள்ள நாம் அதனை நிறைவேற்றுவதில் மந்தமாக இருக்கக்கூடாது;

அதற்காக தினமும் ஏதாவதொரு வகையில் பிரயாசப்படவேண்டும்;அதைக் குறித்து பேசிக் கொண்டே இருக்கவேண்டும்;

அது நம்முடைய அன்றாட வாழ்க்கை முறையில் அவ்வப்போது கொண்டு வரும் மாற்றமாக இருக்கட்டும்;நம்முடைய நினைவுகளையும் செயல்பாடுகளையும் ஒழுங்கு செய்வதாக அமையட்டும்;

அந்த வகையில் உதாரணத்துக்கு,நாம் அதிகமாகப் பயன்படுத்தும் கைப் பேசியைக் குறித்து சில தீர்மானங்களை எடுக்கலாம்;

மிஸ்ட் கால் (missed call) கொடுப்பதோ பெறுவதோ இல்லை என்பதை ஒரு
குணாதிசயமாகக் கொண்டு யாருக்கும் மிஸ்ட் கால் (missed call) கொடுக்காமலும் யாருடைய மிஸ்ட் காலையும் பொருட்படுத்தாமலுமிருக்கும் ஒரு பழக்கத்தை உண்டாக்கலாம்; இதன் மூலம் நண்பர்கள் நம்மைக் குறித்து அறிந்துக்கொள்ளட்டும்;

அதுபோலவே எந்த கீழ்த்தரமான உபயோகமில்லாத குறுஞ்செய்தி (SMS) யையும் அது நகைச்சுவையோ (joke) துணுக்கோ எதுவானாலும் அதனை படிப்பதுடன் அழித்துவிடவேண்டும்;

அதுபோலவே மின்னஞ்சல் (e-mail) அனுப்புவதிலும் கட்டுப்பாடுகளைக் கொண்டுவரவேண்டும்;எந்த ஒரு பொதுவான அறிவுரை அல்லது தத்துவம் சார்ந்த செய்தியையும் கூட வேதத்துடன் சம்பந்தப்படுத்தி வசனக் குறிப்புடன் அதனைப் பயனுள்ள செய்தியாக மாற்றவும் முயற்சிக்கவேண்டும்;

பயனற்ற எந்த தகவலையும் நான் கடத்தமாட்டேன் என்ற உறுதி நமது இரட்சிப்பு நிறைவேற நமக்கு உதவும்;

அதுபோலவே நாம் கேட்கும் விஷயங்கள்,பார்க்கும் காரியங்கள்,உணவு, உடை,இரசனைகள் அனைத்திலும் ஒருவித மாற்றத்தை ஏற்படுத்திக் கொண்டே இருக்கவேண்டும்;குறிப்பிட்ட உணவுக்கோ உடைக்கோ இரசனைக்கோ பழக்கவழக்கத்துக்கோ அடிமைப்படாதிருக்க வேண்டும்;

நீந்துபவன் விலக்கி முன்செல்லுதல் போலும் பறக்கும் பறவையானது எழும்பி உயரச் செல்லுதல் போலும் நாம் பிரயாசப்பட்டாலே இரட்சிப்பு நிறைவேறும்;

தாமதிக்கலாம்;மந்தமாகச் செல்லலாம்;விழுந்து விழுந்து செல்லலாம்; பரவாயில்லை;ஆனாலும் அதற்காக நாம் கொடுக்கும் விலை அதிகம்; நமக்குக் கொடுக்கப்பட்ட கிருபை வீணாகும்;மாம்சத்துக்கு ஊழியம் செய்வது அவமானத்தையே தரும்;மாம்சத்தைத் திருப்திப்படுத்த ஒருவராலும் முடியாது;

ஆனால் எச்சரிக்கையுடன் உறுதியுடன் திட்டமிட்டு முன்னேறினால் நம்மை அழைத்த தேவன் நமக்காக நியமித்துள்ள மேன்மையான நன்மையை விரைவாக அடையமுடியும்.

(குடும்ப ஆராதனையில்...மேற்கண்ட ஆலோசனைக்குப் பிறகு எனது மைத்துனரை இறுதி ஜெபம் ஏறெடுக்கச் சொன்னேன்;அவர் ஜெபத்தில், "ஆண்டவரே நாங்கள் உமக்கு மிஸ்ட் கால் (missed call)கொடுக்கக் கூடாது;எப்போதும் உம்மோடு பேச ஆயத்தமாக இருக்கவேண்டும்; அதுபோலவே நீரும் எங்களுக்கு மிஸ்ட் கால் (missed call) கொடுப்பதில்லை;உம்மை நோக்கிக் கூப்பிட்டால் எங்களுடன் பேச ஆயத்தமாக இருக்கிறீரே" என்று ஜெபித்தது வித்தியாசமான சிந்தனையாக இருந்தது..!)

தியானித்த வசனங்கள்:
ஏசாயா.25:9 முதல் 12 வரை
யூதா.3
எபிரெயர்.12:1
1.கொரிந்தியர்.9:16

தந்தனத்தானே தானே தந்தனத்தானே
தானே தந்தானே தன்னைத் தானே தந்தானே..!